Joan Laporta po përgatit rikthimin te skuadra e Barcelonës. Ish-presidenti I katalanasve ka zbuluar se dëshiron të kandidojë për t’u rikthyer në drejtimin e klubit dhe se po përgatit platformën e re drejtuese për klubin, bashkë me një grup njerëzish që njohin mirë ambientin te Barcelona.
Kjo lëvizje e 57-vjeçarit vjen pasi ambienti te skuadra e Barcelonës është aspak I qetë, teksa 6 anëtarë të bordit këshillues kanë dhënë dorëheqjen pas përplasjeve me presidentin aktual Josep Maria Bartomeu.
“Jam duke grumbulluar njerëz të besuar, për të ndërtuar një plan të studiuar mirë, që do të rikthejë normalitetin ekonomik te Barcelona. Dëshiroj të kandidoj për një mandate presidencial dhe po e mendoj seriozisht, por brenda këtij viti do të vendos zyrtarisht. Unë mendoj se janë të gjithë mundësitë për të rikthyer stabilitetin ekonomik në skuadër, por për këtë ka nevojë për një projekt konkret dhe një menaxhim profesional”, ka deklaruar Laporta.
