Nëpër kinematë e shteteve arabe ka nisur të shfaqet filmi i animuar me titullin “Bilal”. Ka të bëjë me rrëfimin për Bilal ibn Rabah, ashabin (mikun e nderit) të profetit Muhamed. Ai ishte myezini i parë.
Ky është animacioni më i gjatë arab i realizuar me teknologji bashkëkohore, ndërsa zërat për personazhet e këtij animacioni i kanë huazuar disa prej aktorëve më të njohur botërorë, shkruan Koha Ditore.
Ky film i animuar, i realizuar në teknologjinë 3D dhe në gjuhën angleze, ka hyrë në librin e rekordeve “Guinness”, pasi përmban skenën më të gjatë të përleshjes në historinë e animacionit, e cila zgjat 11 minuta e 14 sekonda, thuhet në shkrimin e “Al Jazeera”, që e transmeton “Koha Ditore”).
I gjithë filmi zgjat 110 minuta dhe me këtë është bërë i pari film arab i animuar i metrazhit të gjatë.
“Bilal” tashmë është shfaqur nëpër disa shtete të Emirateve të Bashkuara Arabe, Katar, Oman, Liban, Jordani e Irak.
