Fondacioni “Mirësia” ka shpërndarë ndihma për familjet e punonjësve të policisë të rënë në krye të detyrës nga viti 1990 deri më sot. Dhurimi u bë në ambientet e Drejtorisë së Përgjithshme të Policisë së Shtetit.
“Ky donacin modest është vetëm fillimi pasi në të ardhmen do të kemi projekte të tjera”, thuhet në një njoftim të fondacionit.
Zv/ministrja e Brendshme Romina Kuko shprehu një falënderim të posaçëm për fondacionin “Mirësia”. “Dua të jap gjithashtu një falënderim të posaçëm për zotin Kreshnik Tërnova, i cili bëri të mundur gjithë koordinimin e këtij donacioni”, tha Kuko.
Drejtori i fondacionit “Mirësia”, mbështetur nga shteti i Kuvajtit, është shprehur se
është detyrë e të gjithëve t’u gjendemi pranë këtyre familjeve, jo vetëm në këtë momente, por gjithmonë.
“Është një kontribut që është mbledhur nga donatorë të ndryshëm dhe ne mendojmë që me këtë kontribut sadopak ua lehtësojmë këto momente të vështira. Është detyrë e të gjithëve ne dhe mendoj që këta familje janë më në nevojë se shtresat e tjera”, tha Korab Kaja.
“Si shoqëri kemi një detyrim moral shumë të madh për familjet e Policëve Heronj të rënë në krye të detyrës për të mbrojtur interesat e qytetarëve dhe shteti Shqipëtar. Së bashku me mikun tim Drejtuesin e Fondacioni ‘Mirësia’ Korab Kaja në bashkëpunim me Ministrinë e Brendshme dhuruam 100 pako ushqimore për familjet e policëve të rënë në krye të detyrës, për t’u ardhur në ndihmë në këto ditë të vështira”, tha Tha Kreshnik Tërnova, i cili beri te mundur koordinimin mes fondacionit “Mirësia” dhe Policisë së Shtetit.
