Lëkundje tërmeti janë regjistruar rreth mesnatës në Elbasan.
Sipas IGJEUM, tërmeti ishte me magnitudë 3.5 të shkallës Rihter dhe epiqendër në Gostimnë, 5 km në Verilindje të Peqinit dhe 29 km në Jug të kryeqytetit.
Banorë të Elbasanit thanë se lëkundjet kanë zgjatur disa sekonda dhe kanë shkaktuar frikë te qytetarët, por nuk raportohet për të lënduar apo dëme materiale.
Tërmeti u shoqërua me disa paslëkundje më të lehta.
