Rrjeti prestigjioz sportiv ESPNfc, në një analizë në startin e fazës së grupeve të Champions League ka përzgjedhur një lojtar për çdo skuadër, duke u bazuar në vlerat dhe pritshmëritë për performancën e tyre.
ESPNfc e ka futur Elseid Hysaj mes 32 futbollistëve për t’u vëzhguar në këtë sezon të Champions League.
Në paragrafin dedikuar Hysajt, ESPNfc shkruan se në Francë 2016 ishte një nga mbrojtësit më të mirë të krahut, por jashtë Italisë mbetet një futbollist i nënvlerësuar. Një vlerësim i merituar për mbrojtësin kuqezi, që ka një raport të veçantë me trajnerin Sarri.
Për Hysajn shkruhet gjithashtu se është shumë i disiplinuar në fazën mbrojtëse si dhe mbështetja e tij ndihet në çdo moment kur skuadra është në sulm. Hysaj është thjesht mbrojtësi modern perfekt. Një etiketim i goditur për mbrojtësin shqiptar, i cili po bën hapa galopantë në karrierë.
Një investim i jashtëzakonshëm i presidencës napolitanë që e bleu për vetëm 5 milionë Euro por që çmimi kartonit të Hysajt është shumëfishuar duke i kaluar 20 milionë Euro.
