Lojtari i Bayern Munich, Serge Gnabry, përpara se futbolli të ndërpritej po përjetonte sezonin e karrierës. Anësori 24-vjeçar ishte një nga futbollistët më të rëndësishëm të bavarezëve dhe në 33 ndeshje ka shënuar 18 gola si dhe i ka shërbyer shokëve të skuadrës.
Gjithsesi ashtu si dhe në fushën e lojës, edhe jeta private e gjermanit duket se po shkon më së miri. Sipas “Bild”, lojtari tashmë është në një lidhje të re me modelen zvicerane, Sandra Jerze. Siç detajon prestigjiozja gjermane, çifti tashmë po frekuentohet prej 3 javësh, ndërsa edhe pashkët i kanë kaluar së bashku në Munih.
Sandra, 23-vjeç është një modele por njëkohësisht edhe aktore me kohë të pjesshme, ndërsa ka qenë protagoniste e disa videoklipeve të ndryshme.
