Më shumë se 450 ndërhyrje kirurgjikale urgjente janë realizuar muajin e fundit në spitalin e Traumës.
Lajmin e ka dhënë ministrja e Shëndetësisë Ogerta Manastirliu në një postim në rrjetet sociale.
Ajo bën me dije dhe se mjekët kanë përballuar dhe rreth 4 mijë vizita në urgjencë.
Postimi:
Vijon puna pa u ndalur në spitalin universitar të Traumës, ku janë përqëndruar ndërhyrjet urgjente kirurgjikale në këtë situatë të pazakontë.
Me masa të përforcuara, me mjetet e mbrojtjes personale, stafi mjekësor i spitalit të Traumës, ka përballuar më shumë se 450 ndërhyrje kirurgjikale urgjente në muajin e fundit dhe rreth 4 mijë vizita në urgjencë.
