Një 62 -vjeçare është arrestuar nga policia pasi tentoi të fusë lëndë narkotike për djalin e saj, në ambientet e paraburgimit në Vlorë. Në pranga ka rënë shtetasja me iniciale S. S.
Ajo ka shkuar ditën e djeshme, për t’i dërguar disa ushqime djalit të saj, i cili vuan dënimin për vepër penale në fushën e narkotikëve.
Pas kontrollit të ushtruar, mes ushqimeve është gjetur një sasi lënde narkotike prej 100 gram, e dyshuar cannabis sativa.
62-vjecarja akuzohet për veprat penale “Prodhimi dhe shitja e narkotikëve” dhe “Futja ose mbajtja e sendeve të ndaluara në institucionin e ekzekutimit të vendimeve me burgim”.
Materialet iu referuan Prokurorisë, për veprime të mëtejshme.
