Danimarka vazhdon me planin e rihapjes, pas izolimit pre gati një muajsh për shkak të pandemisë COVID-19
Pasi rihapi shkollat dhe çerdhet të mërkurën, do të lejojë edhe disa biznese, të tilla si parukeritë, sallonet e bukurisë dhe auto-shkollat, të rihapen nga data 20 prill.
“Askush nuk dëshiron ta mbajë Danimarkën të mbyllur një ditë më shumë sesa është e nevojshme,” tha kryeministri Mette Frederikse.
Masa vjen pasi disa vende të tjera evropiane, përfshirë Austrinë dhe Gjermaninë, njoftuan një lehtësim të ngjashëm të masave të tyre të bllokimit.
Vendi do vazhdojë t’i mbajë kufijtë e tij të mbyllur, si dhe ndalohet hapja e restoranteve, bareve, palestrave si dhe tubimet e mëdha publike.
Danimarka ka regjistruar 6,879 të infektuar teksa 321 persona kanë humbur jetën nga Covid-19.
