Kreu i Partisë Demokratike, Lulzim Basha në lidhje Live me gazetarët u shpreh se ende nuk dihet nëse është zbatuar paketa e parë ekonomike, dhe kërkoi transparencë për këtë. Po ashtu, Basha tha se duhet bërë sa më shpejt efektive paketa e dytë.
“Efekti social dhe ekonomik që ka shkaktuar virusi është shumë i madh. U bëj thirrje autoriteteve të marrin masa të shpërndajnë ndihmat e akorduara në paketën e parë. Kërkojmë dhe transparencë pasi ka shumë ankesa.
Ende nuk ka detaje zyrtare për paketën e dytë. Paketat që mbeten në letër nuk i shërbejnë askujt. Masat mbështetese duhet të jenë efikase që biznesi të mos largojë punonjësit nga puna. I bëj thirrje qeverisë të bëjë publike paketën për daljen nga kjo situatë. Kërkoj transparencë.”-tha Basha.
