Të dhënat zyrtare tregojnë se inflacioni në Britani po qëndron stabël në 0.6% edhe në muajin gusht, ndërsa çmimet më të lira për ushqim dhe pije joalkoolike kanë ndihmuar në kompensimin e rritjes së shpenzimeve të transportit dhe të hotelerisë.
Kjo shkallë e pandryshuar ishte në një mënyrë befasuese, raporton AP nga Londra.
Konsensusi në tregje ishte se inflacioni do të ngritej në 0.7%, pjesërisht për shkak të rënies së paundit, pasi Britania vendosi për largim nga Bashkimi Evropian.
Vlera më e ulët e fundit e bën importin më të shtrenjtë. Pas publikimit të të dhënave nga Zyra për Statistika Kombëtare, paundi është në kuotën prej 1.33 dollar amerikan.
Megjithatë nuk ka rritje të inflacionit në muajin gusht, pjesa më e madhe e ekonomistëve presin që inflacioni në Britani do të rritet gjatë muajve të ardhshëm, në masë të madhe si pasojë e çmimeve më të larta të importit.
