Barcelona “ka piketuar” sulmuesin e Real Sociedad, Alexander Isak, si planin B të tyre nëse nuk arrijnë të transferojnë Lautaro Martinezin nga Interi.
Katalanasit janë në kërkim të një sulmuesi të ri me të cilin të projektojnë të ardhmen dhe kohët e fundit janë plotësisht të përqendruar te Martinez.
Sidoqoftë, ky transferim do të jetë shumë i vështirë për katalanasit, duke parë rëndësinë që ka argjentinasi për zikaltërit dhe çmimin e lartë të tij.
Nga ana tjetër, Isak , i cili ka impresionuar me Sociedadin këtë sezon, do të ishte një alternative më e lirë dhe Katalanasit janë të prirur për firmën me të nëse do të dështojnë me argjentinasin 22-vjeçar. – raporton “Radio Barcelona”.
Klauzola e largimit të 20 vjeçarit suedez, është 70 milionë euro. Isak ka bërë 34 paraqitje për Real Sociedad këtë sezon dhe ka shënuar 14 gola.
