Autoritetet greke kanë vënë në pranga një 35-vjecar shqiptar në Maroussi të Athinës, pasi akuzohet për grabitje dhe vjedhje të përsëritura, ndërsa në kërkim është shpallur bashkëpunëtori i tij.
Mediat greke raportojnë se në bashkëpunim me njëri-tjetrin ata dyshohet se kanë grabitur ndër të tjera edhe një cift, duke iu marrë cantën që kishin me vete me para. Cifti njoftoi policinë, që ka bërë edhe prangosjen e shqiptarit, si dhe identifikimin e bashkëpunëtorit.
Identiteti i të arrestuarit i cili nuk bëhet i ditur , mësohet se ka bërë rezistencë në kohën që është arrestuar. Në vendin e grabitjes u gjet dhe u konfiskua motoçikleta e autorëve, mjete të ndryshme për vjedhje, doreza, një pistoletë më gaz, dy helmeta motorësh, një kapuç dhe një telefon.
https://youtu.be/J4Iq8D1_5Is
Gjatë hetimeve të policisë, ka rezultuar se 35-vjecari dhe bashkëpunëtori i tij kanë qenë vjedhës sistematik në zonën e Atikës në Athinë. Hetimet kanë dalë në përfundimin se ata kanë kryer gjithsej nëntë grabitje dhe një vjedhje makine. Shqiptari i arrestuar u dërgua në Prokurorinë e Athinës.
