Një i dënuar nga burgu i Tepelenës ka tentuar të arratiset dhe është kapur sërish.
Mësohet se bëhet fjalë për shtetasin Eduart Çakaj, banues në Memaliaj.
Sakaj ka qenë në gjyq dhe në momentin që furgoni që e transportonte ka hyrë në ambientet e brendshme të burgut, i dënuari ka zbritur nga mjeti dhe është larguar me shpejtësi në drejtim të fshatit Bënçë.
Shërbimet e policisë janë vënë në ndjekje të tij dhe e kanë kapur sërish pas 20 minutash.
“Rreth orës 12:10 të ditës së sotme, shtetasi E. Ç., banues në Memaliaj, i cili vuante dënimin në IEVP Tepelenë është larguar në drejtim të fshatit Bënçë. Menjëherë është organizuar puna nga sherbimet e Komisariatit të Policisë Tepelenë për kapjen e këtij shtetasi.
Në orën 12:30 shtetasi i mësipërm është kapur nga punonjësit e Policisë Tepelenë dhe shërbimet e IEVP Tepelenë.”, thuhet ne njoftimin e policise.
