Kryeministri Edi Rama ka deklaruar se nuk e ka bërë testin për COVID 19.
Por gazetari Artur Çani deklaroi për “360 Gradë” në Rtv Ora se kryeministri ka gënjyer pasi i kanë marrë tamponin në zyrën e tij me 23 mars të këtij viti.
Çani: Rama ka gënjyer hapur duke thënë se nuk e ka bërë testin për koronavirusin. Unë po e them këtu hapur që me datë 23 mars të këtij viti Rama e ka bërë analizën, ja kanë bërë në zyrën e tij me këta të laboratorit qëndror të spitalit amerikan. Nuk e ka bërë madje as me emrin e tij. Kanë qenë disa njerëz prezent, nuk ka qenë i vetëm. Dhe prapë tha nuk e kam bërë.
Më tej gazetari tha se dhe disa ministra të Ramës e kanë bërë testin e Covid-19. Po ashtu Çani një fakt të tillë atij ia ka pranuar edhe presidenti Meta, ndërsa Rama e mohon diçka të tillë.
Çani: Pse disa ministra të kabinetit Rama më thanë menjëherë që “po e kemi bërë testin”, pse Meta më tha e kam bërë testin, pse Rama thotë nuk e kam bërë? Këtu është ndryshimi. Nuk trembet njeriu duke i thënë të vërtetën.
