Zv. Presidenti i forumit Republikan jashtë ShBA-së Mark Crawford i sugjeron qeverisë caktimin e një date apo fazat për rihapjen e ekonomisë.
“Qeveria nuk do na shpëtojë por do lehtësojë problemet, as të zëvendësojë fuqinë e sektorit privat, nëse do dalim nga kriza do e nxjerrë sektori privat dhe sa më shpejt të lirojë sektorin privat aq më pozitive do të jetë. Besoj se Amerika është ende në fillim por besoj se Shqiëpria do të dalë më përpara nga epidemia e COVID-19.
Sa më shpejt Shqipëria të rihapet ose sipas moshës, ose sipas zonës, ose sipas sektorit aq më mirë do të jetë për Shqipërinë, mbase do të jetë më mirë se të tjerët” – thotë Crawford në një intervistë me skype me gazetaren Matilda Mcini në studion e Ora News.
Crawford shton se qeveria duhet të caktojë një datë, duhet të caktojë disa faza për rihapjen e ekonomisë, duke nisur disa zona që nuk janë prekur shumë, sidomos në fushën e agrobiznesit.
“Sa më shpejt të lirojmë, sidomos të rinjtë të shkojnë në punë të cilët sipas statistikave nuk preken nga COVID-19.”
Thithja e investimeve?
Crawford parashikon se do të jetë sfidë disavjeçare thithja e investimeve të huaja.
“Është e vështirë për të tërhequr investitorët pasi të gjithë po përqëndrohen në vendet e tyre. Besoj do të jetë nëj sfidë disa vjeçare”.
