Peter Bonetti, ish-portieri i Chelseat dhe Anglisë, ka vdekur në moshën 78-vjeçare pas një sëmundjeje të gjatë.
Bonnetti, i ashtuquajtur “Macja”, kaloi pothuajse dy dekada me “Blutë” e londrës, ndërsa ka bërë edhe shtatë paraqitje me kombëtaren angleze të futbollit. Me klubin e Chelsea-t ai e veshi fanellën plot 729 herë duke fituar edhe disa trofe.
“Të gjithë në Klubin e Futbollit të Chelsea jemi shumë të pikëlluar, ndërsa njoftojmë vdekjen e ish-portierit tonë të shkëlqyer, Peter Bonetti, i cili bëri 729 paraqitje për Blutë. Ish-portieri ynë vuante nga një sëmundje afatgjatë. Të gjithë te Chelsea dëshirojnë t’i dërgojnë ngushëllimet tona të përzemërta dhe më të thella për familjen dhe miqtë e Peter”.
“Peter ishte një portier madhështor në vitet 1960-1970. Imazhi i portierit tonë të dëmtuar dhe përpjekjeve të tij mbinjerëzore për të ndaluar kundërshtarët në ndeshjen finale të FA Cup të vitit 1970, është një nga momentet më heroike të asaj ndeshje të famshme.” – thuhet në komunikatën e skuadrës së Chelseat.
Pas daljes në pension nga futbolli i luajtur, Peter Bonetti, do të punonte si trajner portierësh, veçanërisht nën drejtimin e Kevin Keegan, gjatë periudhave të tij si trajner i Newcastle, Fulham dhe Manchester City.
All of us at Chelsea Football Club are deeply saddened to announce the passing of our brilliant former goalkeeper, Peter Bonetti, who made an incredible 729 appearances for the Blues…
— Chelsea FC (@ChelseaFC) April 12, 2020
