Carlos Tevez dhe Cristiano Ronaldo kanë luajtur bashkë te Manchester United për dy sezone, ndërsa edhe u larguan të dy në të njëjtën kohë, ku në vitin 2009 argjentinasi lëvizi drejt Man.City-t, ndërsa portugezi u transferua te Real Madrid.
Argjentinasi ka dhënë një intervistë për Marca-n, duke u ndalur edhe tek eksperienca e ndarë me sulmuesin aktual të Juventus-it.
“Mbaj mend çfarë ndodhte me të, që është ajo që të gjithë femrat e botës sigurisht e shohin: kalon të gjithë kohën në palestër. Është i fiksuar me këtë”, ka thënë Tevez.
“Nëse stërviteshim në orën nëntë të mëngjesit dhe vendosja të shkoja në tetë, ai ishte atje. Shkoja në shtatë e gjysmë dhe ai ishte aty. I thashë vetes, a është e mundur të shkoj para këtij tipit? Një ditë vendosa të shkoja në gjashtë të mëngjesit dhe e gjeta aty. Gjysmë i përgjumur, por ishte aty”, ka thënë Tevez.
