Gjatë Kupës së Botës në vitin 2010, Gjermania, ishte në fillimet e një epoke të artë ndërsa kishte në përbërje disa futbollistë të rinj me potencial të madh.
Një prej tyre ishte Mesut Ozil, asokohe 21-vjeçar. Duke parë paraqitjet spektakolare me kombëtaren në Afrikën e Jugut, shumë skuadra u vunë pas shërbimeve të mesfushorit gjerman me origjinë turke.
Real Madrid kryesonte listën dhe në fund mundi konkurrencën dhe nënshkroi me Ozil nga Werder Bremen për 18 milionë euro. Gjithsesi ndërsa kanë kaluar plot 10 vite nga ajo kohë, Ozil në një intervistë për “Marca” se dëshira e tij ishte Barcelona, por nuk ishte bindur nga Guardiola dhe vendosi të zgjidhte Realin më pas.
“Pas Botërorit të 2010, Real Madrid, Barcelona, Bayern dhe Manchester United më kërkonin. Dëshira ime ishte të bashkohesha me Barcelonën, por Guardiola nuk më tha që më donte në ekip dhe që më pëlqente, prandaj edhe kalova te Reali.”
