Qyteti italian Amatrice, i cili u godit rëndë nga tërmeti i muajit të kaluar, është duke vazhduar me veprimet ligjore kundër revistës satirike franceze Charlie Hebdo.
Kjo pasi në këtë revistë janë portretizuar viktimat si enë makaronash.
Amatrice, ku shumica prej 295 viktimave jetonin në këtë zonë, ka parashtruar ankesë të rëndë për shpifje kundër revistës satirike javore, Charlie Hebdo.
Një nga imazhet, e cilësuar si një lazanjë, ka treguar pjesë të rrënojave si dhe këmbë të përgjakshme që rrjedhin nga një person, viktime e këtij rasti.
Qyteti italian, i cili ishte një nga më të goditurit e tërmetit të 24 gushtit , me magnitudë 6.2 shkallë, është i njohur për ushqimet dhe pjatat që kanë të bëjnë me pastat.
