Narkobandat në Meksikë kanë vrarë kryebashkiakun e Mahahauala, Obed Duron Gomez, pasi ka urdhëruar që të bllokohen rrugët, që të dërgojnë për në qytetin e tij.
Kryebashkiaku këtë urdhër e kishte dhënë, që të mund të parandalojë përhapjen e koronavirusit.
Pas atentatit, Gomez u dërgua me urgjencë në spital, iu nënshtrua ndërhyrjes kirurgjikale, por nuk mundi t’iu mbijetonte dot plagëve të marra. Agresorët kanë ikur me shpejtësi nga vendi i ngjarjes, kurse hetuesit gjetën në vendin e krimit 20 gëzhoja plumbash.
Gomez kishte qenë nën kërcënimin e vazhdueshëm të bandave kriminale të zonës, që kryesisht merreshin me trafik droge, pasi nuk iu pëlqente ideja që të bllokoheshin rrugët që të dërgojnë për në qytetin e Mahahaualas.
