Kandidati i mazhorancës për Bashkinë e Dibrës, Muharrem Rama, ka thelluar rezultatin përballë kandidatit të opozitës Sherefedin Shehu. E ndërsa duket se kandidati i majtë po shkon drejt fitores, Partia për Drejtësi, Integrim e Unitet ka nxituar të kërkojë një post ministror në qeverinë “Rama.
Sekretari i PDIU-së, Ermal Telha ka thënë se strukturat e saj në Dibër kanë punuar maksimalisht për fitoren e kandidatit të majtë për bashkinë Dibër, Muharrem Rama.
Duke u ndalur tek lëvizjet e ardhshme të PDIU-së nëse kandidati i majtë fiton zgjedhjet në Dibër, Telha ka thënë për Report Tv se PDIU meriton një post në kabinetin qeverisës, pasi kjo fitore do të tregonte qartë fuqinë e vërtetë të PDIU-së.
“Nuk është surprizë rezultati i deritanishëm në Dibër. Ky rezultat është një detaj që tregon forcën e vërtetë të PDIU-së. Nëse Bashkia e Dibrës fitohet nga Muharrem Rama, në e meritojmë një kabinet ministror pasi tregon se PDIU është aleate e fuqishme e ASHE-së”, tha Telha.
