Kryedemokrati Lulzim Basha ditën e sotme ka dalë vetë për të bërë pazar, ashtu siç u raportua dhe në një lajm të mëparshëm.
Përmes një reagimi në rrjetet sociale shprehet se ka parë me kënaqësi respektimin e rregullave te distancimit social nga qytetarët.
Ai ka përsëritur dhe një herë thirrjen për qytetarët që të respektojnë të gjitha udhëzimet mbi distancimin social.
Postimi:
Të dashur bashkëqytetarë, si shumë prej jush sot dola për disa blerje dhe pashë me kënaqësi respektimin e rregullave te distancimit social.
Ndonëse është një ditë e bukur pranvere, nuk duhet të harrojmë që jemi në kushtet e emergjencës dhe karantinës.
Ndaj dua tju përsëris sërish thirrjen time të respektoni të gjitha udhëzimet mbi distancimin social, sidomos kur jeni jashtë për nevojat e ditës! Ruani me fanatizëm distancën 1,5 metër!
E di që për shumë prej jush po bëhet e vështirë, por ju lutem mendoni se në këtë mënyrë po ruani veten, familjen dhe të afërmit tuaj.
Çdo ditë sakrificë për të ruajtur jetën dhe shëndetin është një betejë e fituar. Bashkë do tia dalim. #ditemetemira
Me kosh për të blerë brisqe, Basha fotografohet në supermarket me maskë dhe pa doreza.
