Spanja, e cila ka qenë e bllokuar që nga 15 marsi, mund të shohë ngadalë jetën të kthehet në normale deri në fund të muajit, sipas qeverisë së vendit iberik.
Ministrja e Financave dhe zëdhënësja e qeverisë, Maria Jesus Montero tha se disa masa distancimi shoqëror të vendosura për të zvogëluar përhapjen e koronavirusit të ri mund të fillojnë të zbuten pas 26 prillit, kur gjendja e jashtëzakonshme e vendit do jetë hequr.
Montero tha për kanalin televiziv spanjoll ”Antena 3” se qytetarët gradualisht do të “rimarrin jetën e tyre normale” pas kësaj date, megjithëse do të kishte “udhëzime të qarta” nga qeveria se si të ndërvepronin në hapësirat publike.
Spanjollëve aktualisht u lejohet të bëjnë pazar për gjërat kryesore në dyqanet ushqimore, por janë kryesisht të ndaluar të dalin jashtë shtëpie, madje edhe të shkojnë në shëtitje ose të luajnë sport.
Kufizimet e rrepta kanë pasur një efekt, me numrin e infeksioneve të reja që duket se janë stabilizuar ditët e fundit.
Sot u regjistruan 757 vdekje të reja dhe gjithsej më shumë se 14 500.
