Këngëtarja e njohur, Enca Haxhia, këto ditë të izolimit po i shfrytëzon për të qenë më aktive në rrjetet sociale.
Këngëtarja ndau me fansat një foto të aktorit Jaime Lorente, i cili luan rolin e ‘Denverit’ në serialin shumë të shikuar të Netflix, “La Casa de Papel”.
Teksa publikoi një fotografi të aktorit, Enca shkroi me shaka në mbishkrimin e imazhit: “Si thoni ju? Ia vlen ta gjuajë këtë motra juaj”.
Më pas, këngëtarja me shaka shkruan se nuk e njeh si personazh të serialit, duke ironizuar edhe me faktin që ndjekësit po i thonë se ai është “i zënë”.
“Nuk e di kush është Denveri, se ne nuk shohim ‘La Casa de Papel’, shohim ‘Elite’ Dhe pse po me thoni që qenka i zeënë? (Jo shumë gjatë)”, ka shkruar tutje këngëtarja Haxhia.
Dhe në imazhin e fundit, Enca nuk i ndal shakatë, duke shkruar që mund ta mbajë vajza që e ka, pasi gjatësia e trupit të tij qenka e pamjaftueshme.
“Më bindët që meritoj dikë me të mirë plus ne nuk ndajmë çifte…jeta vazhdon”, shkroi Enca.
