Policia e Durrësit, në koordinim me Interpol Tirana kanë vënë në pranga një 34-vjeçar, me qëllim ekstradimi në Itali, pasi është dënuar për disa vepra penale nga autoritetet e vendit fqinj.
Në kuadër të operacionit “Koordinimi”, është arrestuar shtetasi B. Q., 34 vjeç, banues në Durrës.
Gjykata e Apelit në Venecia, Itali, e ka dënuar me 14 vjet burg, për veprat penale “Trafikim i lëndëve narkotike”, “Vjedhja me armë” dhe “Vjedhja”, parashikuar nga Kodi Penal italian.
Materialet e arrestimit të përkohshëm i kaluan Prokurorisë së Rrethit Gjyqësor Durrës.
