Mjeku Adrian Fandi që kaloi infektimin me Covid-19 ka treguar ditët e vështira në oksigjen.
Në një lidhje me emisionin “Opinion”, Fandi tha se lutej që të mos arrinte deri në tetë litra oksigjen, pasi kjo tregonte që do intubohej, gjë që e frikësonte.
“Kur shikoja vizën që kalonte litrat e oksigjenit, u tremba. Lutesha që të mos kalonin tetë litra sepse do haja tubin. Është si puna e armës, që ti kur e ke në dorë, e drejtorn nga armiku, je ok, por nuk të pëlqen kur të kthehet nga vetja. Frikësohesha. Dje thashë po e heq një herë të shikoj se çfarë bëhet. Dhe e hoqa. Zgjohesha në mëngjes me pozitivitet. Më dhimbte trupi si kurrë më parë, që nga lesht e kokës, e deri poshtë. Grafia e mushkërive ishte sikur më kishte qëlluar dikush me çifte”– tha mjeku ndër të tjera.
