Pesë viktima në pak orë u regjistruan në Mqedoninë e Veriut nga koronavirusi, duke e çuar në 26 numrin total të personave që kanë humbur betejën me COVID-19.
Katër persona ndërruan jetë në Klinikën e Sëmundjeve Infektive në Shkup, ndërsa një në banesën e tij.
Viktimat janë një 52-vjeçar nga Kumanova, një 65 vjeç nga Labunishta-Strugë, një grua 62-vjeçare nga fshati Çellopek i Tetovës dhe një grua 81-vjeçare nga Shtipi. Ndërsa në banesën e tij ka ndërruar jetë një 53 vjeçar nga Kumanova.
Në 24 orët e kaluara janë regjistruar edhe 29 raste të reja me koronavirusit nga 386 teste të kryera. Sipas qyteteve; në Shkup 15, shtatë në Kumanovë, një në Prilep dhe nga tre në Strugë dhe Koçani.
Me rastet e fundit, numri i përgjithshëm i pacientëve të diagnostikuar me Covid-19 në Maqedoninë e Veriut arrin në 599.
Sipas vendbanimit, deri më tani raste me Covid-19 janë regjistruar në: Shkup – 254; Kumanovë – 128; Dibër – 49; Shtip – 20; Prilep – 34; Tetovë – 29; Strugë – 28; Veles – 10; Manastir – 6; Ohër – 3; Kavadarci – 2; Gostivar – 4; Gjevgjeli – 4; Strumicë – 2; Kriva Palankë – 3; Radovish – 4; Krushevë – 2 dhe Koçani – 17.
