Aktorit të madh të artit shqiptar Gëzim Kruja iu dha lamtumira e fundit ditën e djeshme. Edhe pse aktori nuk u përcoll për në banesën e fundit ashtu siç e meritonte për shkak të situatës me koronavirusin, qyteti i Shkodrës gjeti një mënyrë gjeniale për ta nderuar. Në orën 12 qytetarët dolën në ballkone për të duartrokitur dhe nderuan.
Aktori dhe miku i Gëzimit, Zef Deda ka treguar në një intervistë për “Shekullin” mes lotësh takimin e fundit që pati me Gëzimin.
“Për fat të mirë para 1 muaji kam qenë tek shtëpia e tij dhe na thoshte mblidhni mendjen mos dilni se jeni sëmurë, sepse dhe unë jam me ishemi cerebrale dhe na thoshte të mos lëviznim, sepse është e rrezikshme. Shkova në shtëpi dhe më shkruajti në letër ‘pse ke dal’, sepse ai vetëm shkruante nuk fliste”, tregoi Zef Deda.
Ai shtoi se për 2 javë sëmundja i mori frymëmarrjen dhe më pas ndërroi jetë.
