Ekipi shkencor anglez që arriti të klonojë delen Dolly në vitin e largët 1996 pretendojnë se kanë gjetur kurën për koronavirusin e ri.
Sipas asaj që raportohet nga Daily Star në edicionin print të 5 Prillit, trajtimi eksperimental i kryer për të mposhtur Covid-19 është ai i qelizave imune të marra nga vullnetarë të rinj dhe të shëndetshëm. Një studim që do t’i dorëzohet Shërbimit Kombëtar të Shëndetit Britanik brenda javës tjetër. Madje, raportohet se “ekipi Dolly” është tashmë në bisedime me qeverinë për shpërndarjen e terapisë. Transfuzioni i qelizave për të ndërtuar imunitet tashmë është përdorur për të trajtuar me sukses disa raste të kancerit.
Brian Kelly, drejtuesi i ekipit që zhvilloi studimin, tha: “Pika e kthesës në luftën kundër infeksionit viral është zhvillimi i diçkaje të aftë për të sulmuar qelizat e infektuara dhe jo ato të shëndetshme”.
Boldnews.al
