Drejtoria e Shërbimit të Transportit Rrugor ka rihapur një pjesë të shërbimeve në sportele, ndërsa ka vendosur perimetrat e sigurisë për parandalimin e përhapjes së COVID-19.
Drejtori i Përgjithshëm, Blendi Gonxhja bëri të ditur se prioritet mbetet siguria dhe shëndeti i njerëzve dhe ruajtja e distancave është thelbësore për këtë.
Gonxhja theksoi se qytetarët që kërkojnë të marrin shërbime pranë drejtorive rajonale në Tiranë dhe Durrës duhet të aplikojnë online për të vendosur një orar.
“Për shërbimet në DRSHTRR Tiranë dhe Durrës, ju duhet patjetër të rezervoni online orarin e shërbimit”, u shpreh ai.
Sipas kreut të DPSHTRR, sportelet janë të hapura nga e hëna në të premte në orarin 07-12:30 ndërsa sporteli për pagimin e taksave do të qëndrojë i hapur edhe përgjatë ditës së shtunë
