Skuadra e cila pritet të gëzojë titullin kampion në Premierligë, Liverpooli, ka bërë prapakthehu në çështjen e pagave.
Gjiganti anglez kishte vendosur që të mos paguante punëtorët teknikë të klubit ndërsa kishte planifikuar ti fuste në skemën e pagave të Qeverisë.
Vendimi u prit me protesta e kritika të mëdha, dhe nuk kishte as përkrahjen e trajnerit dhe lojtarëve.
Pas kësaj, drejtori gjeneral, Peter Moore ka dalë në faqen zyrtare me një qëndrim të ri. Moore ka njoftuar se vendimi është tërhequr dhe skuadra ka kërkuar falje për këtë.
Liverpooli, i bashkohet kështu Man.City dhe Man.United, klube të cilat kanë vendosur prej kohësh të paguajnë plotësisht të gjithë stafet e tyre respektive.
