Nje think tank i njohur konservator, Henry Jackson Society, ka arritur në përfundimin se perëndimi dhe vendet e dëmtuara nga koronavirusi, duhet të padisin shtetin komunist kinez.
Sipas studimit të bërë nga kjo organizatë, vendet kanë pësuar një dëm ekonomik prej 3.2 trilionë paund. HJS thotë se çdo shtet duhet të llogarisë më vete kostot e pësuara.
Analistët e ketij think tanku, kanë arritur në përfundimin se Kina është fajtore, për shkak se nuk mbajti nën kontroll epideminë në Wuhan, aty ku shpërtheu, dhe më pas ka fshehur të dhënat. Sipas tyre, Kina nuk ka përmbushur detyrimet e Organizatës Botërore të Shëndetësisë.
Ditët e fundit janë shtuar opinionet se Kina duhet mbajtur përgjegjëse për dëmet e mëdha ekonomike që kanë pësuar vendet në mbarë botën.
