Rritja e rasteve të të infektuarve me COVID-19 në Shkodër e Tiranë, është tregues i mosrespektimit të distancimit social dhe masave të marra nga qeveria për sigurinë e shëndetit e qytetarëve. Deklara u bë nga Drejtoresha e Institutit të Shëndetit Publik, e cila Albana Fico përsëriti thirrjen për kujdes gjatë këtyre ditëve të vështira.
“Kjo rritje e numrit të rasteve në Shkodër dhe Tiranë tregon edhe njëherë mos respektimin e distancimit social dhe masave të kontrollit të infeksionit që Ministria e Shëndetësisë vijon të rekomandojë çdo ditë në komunikimet publike. Aktualisht po kryhet hetimi epidemiologjik në terren edhe me një ekip të Institutit të Shëndetit Publik”, tha ajo.
“Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdolloj arsyeje për të parandaluar transmetimin e COVID-19.nNëse keni shenja të sëmundjes COVID-19 telefononi numrin e urgjencës 127. Për çdo pyetje apo informacion rreth COVID-19 telefononi në linjën e gjelbër 0800 40 40”, apeloi Fico.
