Shkupjanët qëndrojnë në rrugë nga frika e përsëritjes së ndonjë tërmeti tjetër. Të gjithë qytetarët janë të frikësuar të kthehen në shtëpi.
Në rrjetet sociale kanë nisur të shpërndahen edhe pamjet e para të dëmeve nga tërmeti i fuqishëm 5.3 ballë, ndërsa në orët e para të mëngjesit një tjetër tërmet me magnitudë prej 4.4 ballë i shkallës Rihter kishte prekur vendin.
Tërmeti u ndje në pothuajse të gjitha qytetet Maqedonisë dhe në Serbi, Kosovë, Bullgari. Për shkak të tërmetit të fortë ishte evakuuar qendra tregtare Capitol Mall në komunën Aerodrom.
Epiqendra e tërmetit të dytë ishte gjithashtu zona e Shkupit, njofton TetovaSot. Sipas Qendrës Sizmologjike mesdhetare Evropiane, tërmeti ka qenë me magnitudë 5 gradë të shkallës Rihter dhe epiqendra ishte 7 km në lindje të Shkupit.
