Nëntë raste të reja me COVID-19 janë shtuar në qytetin e Shkodrës, e cila tashmë po kthehet në një vatër të re pasi përhapja sa vjen e po rritet.
Burime bëjnë me dije se nga 20 testet e kryera një ditë më parë, 9 prej tyre kanë rezultuar pozitiv me COVID-19.
Mësohet se 9 raste janë në 2 familjet e infektuara. Epidemiologët po gjurmojnë kontaktet e këtyre pacienteve. 6 janë anëtarë të familjes së pacientit nga Dobraci dhe 3 të gruas nga Kirasi.
Deri më tani kemi 304 raste të konfirmuar me COVID-19 në vendin tonë, ku 17 prej tyre kanë ndërruar jetë.
