Nga Boldnews.al
Edhe mashtrimi ka një kufi dhe kur ai kalohet, nuk e mposht më asnjë e vërtetë. Bota surreale me bomba, arkivolë, mijëra vdekje imagjinare, e po aq imagjinare dhe haluçinatrive dalja e “shpëtimtarit kryeministër”, po japin një pamje të qartë të coronavirusit në Shqipëri.
“Në 24 orët e fundit janë testuar 112 persona të dyshuar, prej të cilëve janë konfirmuar 27 raste të reja me COVID-19. Deri në këto momente janë testuar 2031 raste të dyshuara dhe prej tyre janë të konfirmuar pozitivë me COVID-19, 304 raste. Mosha mesatare e rasteve pozitive me COVID-19 është 50 vjeç”- ky ishte njoftimi më i fundit zyrtar i Ministrisë së Shëndetësisë. Fatkeqësisht, 16 persona nga rastet e konfirmuara me Covid kanë humbur jetën, duke e renditur Shqipërinë ndër vendet me vdekshmërinë më të lartë në rajon dhe gjithashtu mbi mesataren Europiane.
Rastet po shtohen dhe jo se ata nuk kanë qenë si murtajë nëpër këmbë me persona të prekur që mund të dalin në rrugë edhe me orarin kryeministror 05-13.00, por testet e shtuara vetëm në një ditë nxorrën bilancin e rëndë me 27 raste të zbuluara vetëm në 24 orët e fundit.
Situata është mëse alaramante, kur Organiozata Botërore e Shëndetësisë sugjeron pafundësisht të kryhen teste, si e vetmja formë efikase për të parandaluar përhapjen e sëmundjes së rëndë infektive “COVID-19”, vetëm ky sugjerim nuk po ndiqet nga institucionet tona, që më shumë i shohim nëpër tv ne lidhje direkte sesa në terren.
Rastet e bëra publike sot treguan edhe problemin real të instutucioneve shtetërore në mungesën e gjurmimit të rasteve të dyshuara dhe mbi të gjitha testet që po i kryejnë me pikatoren, e cila edhe në këto raste “pikon” me shumë vështirësi, pas qindra telefontave për ndihmë, në numrin tashmë të famshëm 127.
Nga 27 rastet e reja, 22 prej tyre janë vetëm në Shkodër dhe këto të shtrira kryesisht në tre familje. Ministria e Shëndetësisë “përgjegjësinë” ia ka lënë qytetarëve të cilët sipas saj “tregon edhe njëherë mosrespektimin e distancimit social dhe masave të kontrollit të infeksionit që Ministria e Shëndetësisë vijon të rekomandojë çdo ditë ne komunikimet publike”.
Në këtë rast nuk është aspak faji apo “papërgjeshmëria” qytetare, pasi të 22 personat e prekur kishin lajmëruar më parë se kanë pasur kontakte me persona të kanë rezultuar pozitiv. Pritën për tiu kryer analizat gjatë dhe vetëm kur “bordi i madh drejtues” në Institutin e Shëndetit Publik vendosi të kryejë analizat rezultuan 22 të prekur njëherësh.
Pikërisht testimi mjaft i ulët në raport me mijëra kërkesa dhe ankesa që shprehin vetë qytetarët që kanë sinptoma të “COVID-19”, ka sjellë këtë situatë e cila pritet të shpërthejë edhe më shumë në ditët në vijim.
Ndërsa kemi regjistruar më shumë vdekje se të gjithë shtetet e tjera të rajonit në raport me numrin e të prekurve, jemi pas tyre edhe në kryerjen e testeve. Kreu i Organizatës Botërore të Shëndetësisë në çdo dalje ka vetëm tre fjalë teste, teste, teste, ndërsa kryeministri ynë në çdo komunikim të shpeshtë ka: unë, unë, unë, vdekje, mort, arkivolë, varre që nuk gjenden..! Me këtë ritëm po përbushet “profecia” e numrit një të qeverisë sonë.
