Dy raste të reja të infektuar me COVID-19 janë shtuar në qytetin e Fierit.
Burime bëjnë me dije se bëhet fjalë për një çift të moshuarish banues në lagjen “15 tetori”, në Fier.
Ata kanë shfaqur simptomat duke detyruar autoritetet shëndetësore të kryejnë analizat të cilat kanë rezultuar pozitiv.
Ende nuk dihet mënyra se si janë infektuar të moshuarit, ndërkohë që mësohet se ata do të transportohen drejt spitalit për të marrë ndihmën e nevojshme mjekësore.
Deri më tani në vendin tonë janë konfirmuar 277 raste me koronavirus, 16 prej të cilëve kanë ndërruar jetë.
