Provimet e maturës do të anulohen vetëm nëse izolimi vazhdon edhe gjatë muajve qershor apo korrik.
Kështu bëri me dije ministrja e Arsimit, Besa Shahini përmes një video mesazhi në Facebook, e cila tha se provimet do të zhvillohen.
Pas vendimit për mbylljen e shkollave deri në një afat të pacaktuar, ministrja thotë se mësimi në kushtet e shtëpisë dhe komunikimi virtual mësues-nxënës-prind do të vazhdojë.
“Provimet do të mbahen, e vetmja arsye pse nuk do të mbaheshin provimet është nëse do të qëndrojmë të izoluar deri në qershor apo korrik. Kjo nuk e besoj se ndodhë, por nëse ndodh do të marrim një vendim tjetër. Deri atëherë duhet të llogarisim që provimet kombëtare do të ndodhin.” tha Shahini.
Shahini qetësoi maturantët duke thënë se temat që nuk janë zhvilluar në kushtet e shtëpisë nuk do të jenë pyetje provimi.
“Ne thjesht do të siguroheni që temat që nuk janë zhvilluar aq sa duhet në kushte shtëpie të mos jenë të vendosur në formë pyetjesh në testin kombëtar. Kështu që maturantët që po kalojnë kohën duke mësuar, duke ushtruar pyetje të ndryshme, nga provimet e mëparshme të maturës, i japim një orientim se çfarë pyetjesh mund të kenë në provimet e maturës.” tha ministrja
https://www.facebook.com/shahinibesa/videos/252542915784978/
