Janë shëruar nëntë pacientë të tjerë të infektuar me COVID-19 në vendin tonë, duke e çuar në 85 numrin total të të shëruarëve.
Lajmin e mirë e ka dhënë kryeministri Edi Rama përmes një postimi në rrjetet sociale.
Mes këtyre 9 pacientëve të shëruar janë edhe çifti i të moshuarëve nga Korça, nënë Sanija 78 vjeçe dhe gjysh Izedini 79 vjeç.
Deri më tani ministria e Shëndetësisë ka konfirmuar 277 raste me COVID-19, ndërsa kanë humbur jetën 16 persona.
