Një tjetër ditë dramatike u shënua në Spanjë. 950 pacientë kanë humbur jetën nga COVID-19 në 24 orët e fundit duke e çuar në 10003 numrin e viktimave nga koronavirusi në total në Spanjë/
Shifrat tragjike i konfirmoi ministria e Shëndetësisë spanjolle.
Numri i rasteve të konfirmuara ka arritur mbi 110 mijë, sipas të dhënave të fundit, ndërsa ai i të shëruarve në mbi 26700.
Shifër edhe më alarmante është ajo e personave të shtruar në spitale, mbi 50 mijë, ndërsa më shumë se 6000 prej tyre janë në terapi intensive.
Kriza shëndetësore ka prekur rëndë edhe ekonominë spanjolle. Vetëm në muajin mars, 833979 persona kanë humbur vendet e punës, sipas të dhënave të autoriteteve atje.
