Ka shkuar në 16 numri i viktimave nga koronavirusi në vendin tonë, pasi një pacient ka ndërruar jetë mëngjesin e kësaj të enjteje në spitalin Infektiv të Tiranës.
Lajmin e konfirmoi Ministria e Shëndetësisë në daljen e saj për mediat, ku jep të dhënat më të reja lidhur me situatën e COVID-19 në vendin tonë.
Viktima është një 78-vjeçar nga Durrësi i cili nuk ka undur të shpëtojë dot në betejën me koronavirusin.
“Ju bëjmë me dije se mëngjesin e sotëm ka ndërruar jetë një pacient 78- vjeçar nga Durrësi i konfirmuar me COVID-19. 78-vjecari ishte në gjendje të rëndë, i intubuar prej 3 ditësh dhe pavarësisht përpjekjeve të stafit mjekësor fatkeqësisht nuk arriti të mbijetojë. Ministria e Shëndetësisë dhe Mbrotjes Sociale i shpreh ngushëllimet familjes së të ndjerit”-njoftoi MSh ne deklaraten e sotme per mediat.
Deri më tani në vendin tonë janë konfirmuar 259 persona të prekur me COVID-19, 76 prej të cilëve janë shëruar.
