Ish-deputeti demokrat Oerd Bylykbashi i kërkoi kryeministrit Rama sot të japë dorëheqjen në kuadër të ligjit për dekriminalizimin duke iu referuar një deklarata të kreut të qeverisë në mediat italiane se ai ishte arrestuar në shtetin fqinj pasi kishte kundërshtuar forcat e rendit.
Bylykbashi thekson se Rama është arrestuar nga policia dhe ka shkelur ligjin duke mos e deklaruar këtë në formularin e dekriminalizimit, siç kanë bërë të tjerë.
“Dy deputetë janë larguar nga Parlamenti për këtë shkelje”, shkruan Bylykbashi në një postim në FB.
Postimi i ish-deputetit demokrat
Ne mes te hallit qe ka zene te gjithe, kur njerezit jane mbyllur ne shtepi dhe shpesh nuk kane mundesi te sigurojne buken e femijeve, apo biznesi u eshte mbyllur, Rama deklaroi ne median italiane se vite me pare eshte arrestuar ne Bolonja sepse kishte kundershtuar nje punonjes policie.
Ka nje problem te madh me kete deklarim: eshte arrestuar nga policia. Kryeministri NUK e ka deklaruar kete arrestim ne formularin e Dekriminalizimit! Ne rast mosdeklarimi ligji dikton se ai humbet te gjitha funksionet publike. Edhe si deputet edhe si kryeminister! Ligji i Dekriminalizimit i kaluar me shumice te cilesuar nuk pezullohet me akt normativ as ne kohe lufte apo pandemie.
Sa per t’ia kulluar mendimet Kryeministrit, dy deputete jane larguar nga parlamenti per kaq gje. Thjesht sepse nuk deklaruan arrestin.
Edi Rama duhet te sqaroje urgjentisht nese ka genjyer per propagande se eshte arrestuar ne Bolonja pasi kundershtoi nje punonjes policie, ne te kundert institucionet duhet te nisin menjehere proceduren e parashikuar nga Ligji i Dekriminalizimit per mosdeklarim ne formularin e Dekriminalizimit te arrestimit nga policia.
