Vlora është përmbytur edhe sot pas disa orëve shi pasditen e sotme. Bulevardi kryesor dhe disa lagje të qytetit kanë qenë të pakalueshme nga njerëzit.
Në filmimet më poshtë, që janë marrë nga rrjetet sociale, makinat ngjajnë sikur lëvizin mbi ujë. Sistemi i kanalizimeve ka dalë jashtë funksionit, ndërsa janë përmbytur lagjet “Pavarësia”, “20 Nëntori” dhe shumë zona në periferi.
Asnjë reagim nga kryetari i Bashkisë, Dritan Leli që e ka merakun vetëm tek Lungomare, projekti për të cilin kujdeset personalisht edhe kryeministri Edi Rama. Shikoni çfarë ndodh në pjesën tjetër të qytetit.
