Policia e Vlorës ka arrestuar një 49-vjeçar, i cili ishte shpallur në kërkim për veprimtari kriminale në fushën e narkotikëve.
Në kuadër të operacionit “Ramica” mësohet se në pranga është vënë shtetasi Inton Veshaj. Ai është kapur në banesën e tij, në fshatin Ramicë.
Gjykata e Shkallës së Parë Vlorë e ka dënuar 49-vjeçarin, me 4 vite e 4 muaj burgim, për veprën penale “Prodhimi dhe shitja e narkotikëve”. Ngjarja i përket muajit shkurt të vitit 2017, ku gjatë kontrollit në banesën e këtij shtetasi është gjetur një sasi lënde narkotike e llojit cannabis sativa.
