Themeluesi i Microsoft dhe një ndër miliarderët më të mëdhenj në botë, Bill Gates ka folur në lidhje me pandeminë e COVID-19 dhe se kur do të vijë fundi i saj.
Bill Gates theksoi në televizionin CNN se është e rëndësishme të vazhdohet me masat paraprake edhe në shtetet me më pak raste të konfirmuara, pasi virusi përhapet në mënyrë eksponenciale.
“Sa më shpejt që të përfshiheni në mbyllje, aq më lehtë është të arrini në atë kulm”, tha ai
Kur do të jetë kulmi i koronavirusit?
“Pjesët e vendit (SHBA-së) që nuk janë mbyllur, në fund të prillit do të fillojmë të shohim kulmin e numrave atje”, tha Gates.
Por a mund ai të parashikojë se si do të përfundojë e gjitha kjo, gjë për të cilën ai tha se se është më e vështirë të izolohen vendet më të varfra.
“Deri në verë, unë mendoj se vendet e pasura që e kanë menaxhuar me kompetencë krizën e koronavirusit do të dalin nga vetizolimi”, shpjegoi ai, duke shtuar se vendet në zhvillim do të duhet të përballen më gjatë me koronavirusin.
