Dërgimi i një ekipi shqiptar prej 30 mjekësh drejt Italisë, për t´i ardhur në ndihmë në luftën kundër Covid-19, ka emocionuar dhe një prej personazheve më të njohur të televizionit italian, moderatoren Barbara d´Urso.
Në një lidhje live mbrëmjen e djeshme në emisionin e saj me Matteo Salvinin, ish-ministrin e Brendshëm të Italisë, ndërkohë që ai falenderonte qeverinë shqiptare për kontributin, d´Urso e komentoi kështu ardhjen e mjekëve shqiptarë:
”Dua t´i falenderoj dhe unë. Kryeministri shqiptar tha ne jemi të varfër, por nuk kemi kujtesë të shkurtër. Italia na ka qëndruar gjithmonë pranë dhe ne, edhe pse të vegjël, do ta ndihmojmë Italinë. Kanë dërguar 30 mjekë, mua më emocioni shumë kjo gjë. Dua të falenderoj Shqipërinë, një popull i mrekullueshëm që unë e njoh. Mjekë erdhën dhe nga Kina, por Shqipëria e vogël dërgoi 30 mjekë. Ata nuk e kanë memorien e shkurtër, ndërkohë në Europë nuk kanë memorie fare.”
Kujtojmë që personazhet e famshëm që janë ermozionuar dhe kanë shprehur falenderimet e tyre ndaj shqiptarëve me këtë gjest kanë qenë të shumtë. Një prej tyre ka qenë edhe aktorja e njohur e Hollivudit Sharon Stone.
