Nga Boldnews.al
Nën argumentin se “jemi në luftë”, Edi Rama ka përgatitur një plan ekonomik, i cili, pritet të përfshijë mijëra familje shqiptare në një krizë të rëndë ekonomike pas përfundimit të pandemisë së korona-virusit.
Qeveria shqiptare deklaron se shteti nuk ka fuqi ekonomike për të përballuar efektet e rënda të krizës shëndetësore, pasi Shqipëria nuk ka para, duke vendosur si njësi matëse vende të fuqishme botërore si Shtetet e Bashkuara të Amerikës apo Gjermaninë.
Por, ndërkohë që taksat për qytetarët janë rritur në mënyrë progresive gjatë qeverisjes së Edi Ramës, pyetja më logjike që shtrohet është se: “Ku përfundojnë paratë e shqiptarëve?”
“Boldnews.al” do të nis publikimin e një cikli periodik shkrimesh, në të cilën do të prezantohen kontratat qindra-milionë euro të shtetit shqiptar me kompanitë private.
Fokusi do të jetë kryesisht tek kontratat konçensionare, si edhe tenderat me vlera të larta, të përqëndruara në pak duar.
Qëllimi i redaksisë është t’i japë një përgjigje sa më shteruese pyetjes: “Ku shkojnë paratë e shqiptarëve” dhe nëse qëndron justifikimi i Edi Ramës se “Shqipëria nuk ka para!”
