Reperi Fedez, blogerja Chiara Ferragni dhe i vogli i tyre Leo janë një ndër familjet më të ndjekura në rrjete sociale, të cilët ndajnë çdo ditë me fansat momente të përditshmërisë së tyre.
Së fundmi, dikush ka marrë foto të Leo-s për të publikuar një lajm të rremë në një grup në Facebook.
“Këtë natë Covid-19 i mori jetën tim biri, Leone, vetëm 2 vjeç e gjysmë. Nuk është e vërtetë që vetëm të moshuarti vdesin. Qëndroni në shtëpi”,- shkruhet në një postim, i cili më të drejtë ka revoltuar tej mase reperin, Fedez.
Reperi ka ripostuar foton e lajmit në InstaStory, ndërsa krahas saj shkruan:
“Jam pa fjalë. Sa shumë ta shpif!”
“E bën për të tërhequr vëmendje, ndaj mendoj se është e drejtë t’i japim vëmendjen që meriton këtij personi që shkarkon fotot e djalit tim për të thënë se ka vdekur nga koronavirusi. Komplimente, fitove! Bastardi i ditës!”– shkruan Fedez i revoltuar drejtuar personit që shpërndau lajmin.
