Valdrin Mustafa i cili kishte rezultuar pozitiv me coronavirus rreth 2 javë më parë nuk është më mbartës i virusit.
Përfaqësuesi i Kosovës pas disa ditësh qëndrim nën izolim bashkë me familjen e tij, duke i respektuar udhëzimet e mjekëve ne Gjermani, ka arritur ta kalojë me sukses virusin e rrezikshëm qe po rrezikon jetën e njerëzve nëpër botë.
Ylli i skuadrës gjermane Hannover 96 këtë gjë e ka konfirmuar në një prononcim për Telegrafin. Pas 14 ditëve izolim së bashku me familjen e tij, Mustafa ka thënë se më nuk ka asnjë simptomë të Covid-19 dhe se ka dalë negativ.
“Testin e fundit që e kam bërë sot e kam marrë rezultatin. Falë Zotit ka dalë negativ dhe tani jam mirë. Kam qëndruar për 14 ditë i izoluar në shtëpi së bashku me familjen. Kemi respektuar rregullat dhe tani gjithçka është në rregull”, deklaroi Mustafa.
